*

laugardagur, 25. nóvember 2017
Innlent 26. október 2017 16:01

Myndasíða: Tekur framtíðinni fagnandi

Sagnfræðingurinn og sjónvarpsmaðurinn Johan Norberg hélt fyrirlestur í vikunni um nýja bók sína, Framfarir.

Ritstjórn

Sænski sagnfræðingurinn og sjónvarpsmaðurinn Johan Norberg hélt fyrirlestur í Öskju, náttúruvísindahúsi Háskóla Íslands, á mánudaginn. Í erindi sínu fór Norberg yfir efni bókar sinnar, Framfarir: Tíu ástæður til að taka framtíðinni fagnandi.

Norberg telur að stóru fréttirnar séu ekki alltaf sagðar, að fátækt sé að minnka, lífslíkur að aukast, heilsufar að batna, stríðum að fækka, ofbeldi að hörfa og að hópar, sem hafa átt undir högg að sækja, njóta sín betur. Bók Norbergs, sem gefin er út af Almenna bókafélaginu, er nú komin út í íslenskri þýðingu Elínar Guðmundsdóttur.

Fundurinn í Öskju var haldinn af Stofnun stjórnsýslufræða og stjórnmála í Háskóla Íslands í samstarfi við Almenna bókafélagið. Stefanía Óskarsdóttir stjórnmálafræðingur var fundarstjóri og Þorbjörn Þórðarson fréttamaður flutti erindi á fundinum.

Þorbjörn Þórðarson fréttamaður á Stöð 2 kom einnig með framsögu á fundinum þar sem hann spurði rithöfundinn ítarlega út í forsendur bókarinnar.

Eydís Árelía Guðmundsdóttir, prófessor við Háskóla Íslands, var meðal áheyrenda.

Sigurður Már Jónsson, upplýsingafulltrúi ríkisstjórnarinnar.

Frosti Logason, stjórnandi útvarpsþáttarins Harmageddon.

Eyþór Arnalds, framkvæmdastjóri og fyrrverandi oddviti í Árborg.

Jónmundur Guðmarsson, framkvæmdastjóri sölu- og viðskiptaþróunar hjá Gamma og fyrrverandi bæjarstjóri Seltjarnarnesbæjar.

Góður hópur frá Gamma Capital Management mætti á fundinn.

Hannes Hólmsteinn Gissurarson, prófessor í stjórnmálafræði við Háskóla Íslands, lét sig ekki vanta.

Í lok fundarins svaraði rithöfundurinn Johan Norberg spurningum, hvort tveggja frá Þorbirni sem og áheyrendum í sal.

Loks gátu fundargestir keypt eintak af bók Johan Norberg, Framfarir: Tíu ástæður til að taka framtíðinni fagnandi í íslenskri útgáfu Almenna bókafélagsins, sem höfundurinn áritaði.

Stikkorð: Framfarir Johan Norberg