*

þriðjudagur, 11. desember 2018
Innlent 18. nóvember 2018 18:01

Myndir: „Hávaxtaland að eilífu“

Viðskiptaráð íslands stóð á dögunum fyrir hinum árlega fundi sínum um peningamál.

Ritstjórn
Már Guðmundsson seðlabankastjóri sagði að innflæðishöft yrðu afnumin þegar vaxtamunur við útlönd, gengi krónunnar og aðrar aðstæður gæfu tilefni til.
Haraldur Guðjónsson

Viðskiptaráð Íslands stóð á dögunum fyrir hinum árlega fundi sínum um peningamál. Yfirskrift fundarins, sem fór fram á Hilton Nordica, var „Hávaxtaland að eilífu".

Ásta S. Fjeldsted, framkvæmdastjóri Viðskiptaráðs, fjallaði um mikilvægi þess að að hagstjórnin í heild reri saman að því markmiði að bæta lífskjör og tryggja verðstöðugleika. Már Guðmundsson seðlabankastjóri flutti erindi þar sem hann fór ítarlega yfir stöðu og horfur í efnahagsmálum og samspil þess við peningastefnuna.

Fundinum lauk síðan með pallborðsumræðum með þeim Friðriki Má Baldurssyni, prófessor við Háskóla Íslands, Hrund Rudolfsdóttur, forstjóra Veritas, Rannveigu Sigurðardóttur aðstoðarseðlabankastjóra og Sveini Sölvasyni, fjármálastjóra Össurar. Konráð S. Guðjónsson, hagfræðingur Viðskiptaráðs, var fundarstjóri.

Hrund Rudolfsdóttir, forstjóri Veritas, sagði það ískaldan íslenskan veruleika að vaxtastig hér yrði alltaf hærra en í
nágrannalöndunum.

Ásta S. Fjeldsted, framkvæmdastjóri Viðskiptaráðs, minnti í ræðu sinni á að ef Seðlabankinn gengi of langt í vaxtahækkunum gæti það skert samkeppnishæfni landsins.

Rannveig Guðmundsdóttir, aðstoðarseðlabankastjóri.

Vilhjálmur Vilhjálmsson, fyrrverandi forstjóri HB Granda.

Kristrún Frostadóttir, aðalhagfræðingur Kviku, leggur við hlustir.

Sigurður Viðarsson, forstjóri TM.

Sigurður Atli Jónsson, stjórnarformaður Íslenskra verðbréfa og fyrrverandi bankastjóri Kviku og MP banka, mætti á fundinn.

Friðrik Már Baldursson prófessor sagði í pallborðsumræðum að aukin áhersla á þjóðhagsvarúð væri skiljanleg.

Lilja Björk Einarsdóttir, bankastjóri Landsbankans.