Nú á dögunum stóð Fjármálaeftirlitið fyrir morgunfundi á Grand Hótel Reykjavík. Á fundinum var samkeppnisumhverfi fjármálakerfisins til umræðu, meðal annars í ljósi mikilla tæknibreytinga, nýs regluverks og fyrirhugaðra breytinga á eignarhaldi banka í eigu ríkisins.
Jón Þór Sturluson, aðstoðarforstjóri FME, Gylfi Zoega, prófessor í hagfræði og meðlimur í peningastefnunefnd Seðlabanka Íslands, og Kristrún Tinna Gunnarsdóttir, hagfræðingur hjá Oliver Wyman og einn höfunda Hvítbókar um framtíðarsýn fyrir fjármálakerfið, héldu erindi á fundinum.
Í kjölfar þess tóku við pallborðsumræður þar sem Páll Gunnar Pálsson, forstjóri Samkeppniseftirlitsins, bættist í hópinn. Fanney Birna Jónsdóttir stýrði fundinum.
Hagfræðingurinn Kristrún Tinna Gunnarsdóttir ávarpar fundinn.
Gylfi Zoega varðist febrúarkuldanum fimlega, en í erindi sínu gagnrýndi Gylfi meðal annars tæknivæðingu bankanna.
Friðrik Sophusson, fyrrverandi fjármálaráðherra og fyrrverandi forstjóri Landsvirkjunar.
Benedikt Gíslason, stjórnarmaður í Arion banka, lét sig ekki vanta á fundinn.
Már Guðmundsson seðlabankastjóri fylgdist einbeittur með gangi mála.
Létt var yfir fundargestum og virtust erindin falla vel í kramið hjá þeim.
Stefanía Kolbrún Ásbjörnsdóttir, hagfræðingur hjá SA.