*

fimmtudagur, 23. nóvember 2017
Innlent 21. apríl 2017 08:47

N1 hækkar EBITDA spá um 100 milljónir

Í ljósi afkomu fyrsta ársfjórðungs hefur EBITDA spá N1 verið hækkuð um 100 milljónir króna.

Ritstjórn
Eggert Þór Kristófersson, forstjóri N1.
Aðsend mynd

Samkvæmt drögum að uppgjöri fyrsta ársfjórðungs þessa árs hjá N1 er EBITDA félagsins 520 milljónir króna samanborið við 374 milljónir króna á sama fjórðungi árið í fyrra. Umferð á þjóðvegum landsins jókst um 14,1% á milli fyrsta ársfjórðungs 2016 og 2017 og skilaði það sér í aukinni sölu á bifreiðaeldsneyti sem jókst um 8,7% í magni á milli tímabila. Enn fremur var þróun á olíuverði félaginu hagstæð á fjórðungnum. Einnig skilaði önnur vörusala afkomu umfram væntingar. Þetta kemur fram í fréttatilkynningu N1 til Kauphallarinnar.

Í ljósi þessa hefur EBITDA spá félagsins verið hækkuð um 100 milljónir króna eða í 3.500 til 3.600 milljónir króna fyrir árið 2017. N1 áréttar þó að rekstur N1 er sveiflukenndur og árstíðabundinn en stærsti hluti EBITDA fellur til á 2. og 3. ársfjórðungi hvers árs.