Hagnaður Noodle Station ehf., sem rekur samnefnda núðlustaði á fjórum stöðum, á Laugavegi við Hlemm, Bæjarhrauni í Hafnarfirði, Kringlunni og loks Selfossi, dróst mikið saman á síðasta ári.
Fór hann úr því að vera 21,4 milljónir króna árið 2016 í rétt tæplega 2,9 milljónir í fyrra. Salan dróst saman um 16 milljónir á milli ára og nam 155,8 milljónum í fyrra en rekstrargjöld félagsins jukust um 7,1 milljón og námu tæplega 151,9 milljónum í fyrra.
Handbært fé tvöfaldaðist og nam 61 milljón króna. Eigandi og framkvæmdastjóri er Charin Thaiprasert.
