Fyrr í dag kynntu Ragnheiður Elín Árnadóttir ráðherra ferðamála og Grímur Sæmundsen formaður Samtaka ferðaþjónustunnar nýja ferðamálastefnu. Stefnunni er ætlað að takast á við mikinn fjölda í komu ferðamanna til landsins og stuðla að farsælli þróun ferðaþjónustu á Íslandi.
Í tilkynninu frá ráðuneytinu segir að áætlað sé að tekjur vegna ferðaþjónustu muni aukast úr 350 milljörðum árið 2015 í yfir 620 milljarða árið 2020 og líklega í yfir 1.000 milljarða árið 2030.
Meginhersla nýrrar stefnu er að styrkja við undirstöður fyrir framtíðarmótun ferðaþjónustu en næstu fimm árin verður fyrst og fremst lögð áhersla á verkefni sem stuðla að:
- Samhæfða stýringu ferðamála
- Jákvæðri upplifun ferðamanna
- Áræðanlegum gögnun
- Nátturuvernd
- Hæfni og gæðum
- Aukinni arðsemi
- Dreifingu ferðamanna
Til að framkvæma þessi verkefni verður stofnuð Stjórnstöð ferðamála sem mun starfa til ársloka 2020. Framkvæmdastjóri Stjórnstöðvarinnar verður Hörður Þórhallsson, fyrrverandi framkvæmdastjóri Actavis í Asíu, Eyjaálfu og Afríku.