Pétur Aðalsteinsson er nýr forstöðumaður yfir lánastýringum hjá Viðskiptabanka Íslandsbanka.
Pétur hefur starfað sem lánastjóri í útibúi bankans á Selfossi síðustu fimm ár en áður starfaði hann meðal annars sem sérfræðingur í lánaeftirliti og á fyrirtækjasviði Íslandsbanka, forstöðumaður á fyrirtækjasviði Byrs og forstöðumaður eignastýringar VBS fjárfestingabanka.
Pétur er með B.A. próf í hagfræði, próf í verðbréfaviðskiptum og B.S. próf í landafræði frá Háskóla Íslands. Hann tekur við starfinu af Birgi Runólfssyni sem lætur af störfum hjá bankanum og flytur til Úkraínu þar sem hann tekur við ráðgjafastarfi á vegum Alþjóðagjaldeyrissjóðsins.
