*

sunnudagur, 21. apríl 2019
Fólk 11. febrúar 2019 17:00

Nýr forstöðumaður Samskiptamiðstöðvar

Kristín Lena Þorvaldsdóttir hefur verið skipuð forstöðumaður Samskiptamiðstöðvar heyrnarlausra og -skertra.

Ritstjórn
Kristín Lenda Þorvaldsdóttir er nýr forstöðumaður Samskiptamiðstöðvar heyrnarlausra og heyrnarskertra.
Aðsend mynd

Kristín Lena Þorvaldsdóttir hefur verið skipuð í embætti forstöðumanns Samskiptamiðstöðvar heyrnarlausra og heyrnarskertra. 

Kristín er menntaður málfræðingur og lauk  M.A. prófi í íslenskri málfræði með áherslu á íslenskt táknmál frá Háskóla Íslands árið 2011. Kristín hefur starfað hjá Samskiptamiðstöðinni sem sviðsstjóri táknmálssviðs, verkefnastjóri og túlkur. Hún var áður aðjunkt við Háskóla Íslands og sinnti þar kennslu og rannsóknum í táknmálsfræði og táknmálstúlkun.  

Stofnunin sinnir meðal annars túlkaþjónustu á milli íslensks táknmáls og íslensku, rannsóknum á íslensku táknmáli og kennslu íslensks táknmáls og námsefnisgerð. Hjá Samskiptamiðstöðinni starfa rúmlega 30 starfsmenn að því að efla þjónustu við táknmálstalandi fólk sem víðast í samfélaginu. 

„Það er ánægjulegt að tilkynna um þessa ráðningu í dag, á degi íslenska táknmálsins. Samskiptamiðstöðin gegnir lykilhlutverki  fyrir döff-samfélagið hér á Íslandi og starfsfólk hennar hefur lyft grettistaki fyrir íslenskt táknmál og réttindabaráttu táknmálstalandi fólks,“ sagði Lilja Alfreðsdóttir mennta- og menningarmálaráðherra.

„Ég þakka það mikla traust sem mér er sýnt að fá að stýra þessari mikilvægu stofnun sem Samskiptamiðstöð er. Hún er málstöð íslenska táknmálsins og málsamfélags döff á Íslandi og mér er  sannur heiður að fá að taka við stjórninni þá þessum hátíðisdegi, degi íslenska táknmálsins,“ sagði Kristín Lena. 

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim