*

miðvikudagur, 19. september 2018
Innlent 19. september 2016 09:40

Nýr stjórnarmaður hjá Arion banka

John P. Madden, framkvæmdastjóri hjá Kaupþingi, hefur verið kjörinn nýr stjórnarmaður Arion banka.

Ritstjórn
Aðsend mynd

Á hlutahafafundi Arion banka sem fram fór fimmtudaginn 15. september var samþykkt að fjölga stjórnarmönnum bankans um einn, úr sjö í átta. Á fundinum var jafnframt kjörinn nýr stjórnarmaður, John P. Madden, framkvæmdastjóri hjá Kaupþingi. Þetta kemur fram í yfirlýsingu frá Arion banka.

„John P. Madden er framkvæmdastjóri hjá Kaupþingi ehf. Hann hefur starfað hjá BC Partners, Arle, ICG frá árinu 2014. Á árunum 1998 til 2013 starfaði Madden hjá Arcapita, fyrst í Bandaríkjunum en síðar á Bretlandi. Þar áður starfaði hann fyrir Lehman Brothers. Madden er með BA gráðu í hagfræði frá Williams College“ segir í yfirlýsingunni.

Einnig kom þar fram að: „stjórn Arion banka skipa nú: Benedikt Olgeirsson, Brynjólfur Bjarnason, Guðrún Johnsen, John P. Madden, Kirstín Þ. Flygenring, Måns Höglund, Monica Caneman og Þóra Hallgrímsdóttir. Kirstín er fulltrúi Bankasýslu ríkisins í stjórninni, aðrir eru tilnefndir af Kaupskilum.“