*

föstudagur, 24. maí 2019
Innlent 16. maí 2019 15:59

Ógilda kaup Samkaupa á Iceland búðum

Samkeppniseftirlitið hefur ógilt kaup Samkaupa á tveimur verslunum Iceland á Akureyri og í Reykjanesbæ.

Ritstjórn
Ómar Valdimarsson, forstjóri Samkaupa.
Haraldur Guðjónsson

Samkeppniseftirlitið hefur ógilt samruna sem áformaður var með kaupum Samkaupa á tveimur verslunum Iceland á Akureyri og í Reykjanesbæ sem í eigu Basko verslana ehf.

Samkeppniseftirlitsins taldi að kaupin hefðu raskað verulega samkeppni á svæðinu. Þannig hefði eiginlegum keppinautum fækkað úr þremur í tvo á Akureyri og úr fjórum í þrjá í Reykjanesbæ. Hefði samruninn verið neytendum til tjóns. Samkeppniseftirlitið lét framkvæma neytendakönnun við verslanir á þessum stöðum, til þess að meta samkeppni á viðkomandi svæðum.

Samkeppniseftirlitið hafði áður heimilað kaup Samkaupa á tólf verslunum Basko undir merkjum 10-11, Iceland, Háskólabúðarinnar og Inspired By Iceland. Upphaflega stóð til að hafa verslanir Iceland á Akureyri og í Reykjanesbæ með í kaupunum. Samkeppniseftirlitið gaf Samkeppniseftirlitið til kynna strax á fyrstu stigum máls að íkur væru á því að samkeppni myndi skaðast á Suðurnesjum og á Akureyri. Þá ákváðu Samkaup að senda inn tvær samrunatilkynningar, eina fyrir verslanirnar 12 og aðra vegna verslananna á Akureyri og í Reykjanesbæ.

Stikkorð: Iceland 10-11 Samkaup Ómar Valdimarsson Basko
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim