Starfsmenn á opinberum vinnumarkaði fara fram á að laun þeirra verði jöfnuð til jafns við laun á almennum markaði í komandi kjaraviðræðum, í kjölfar jöfnunar lífeyrisréttinda milli almenna og opinbera vinnumarkaðarins fyrr á þessu ári. Ríkið skuldbatt sig til að jafna launamuninn á næsta áratug, þegar samkomulag um jöfnun lífeyrisréttinda var undirritað á síðasta ári.

„Lífeyrismálið mun koma til með að spila inn í þegar við erum að skoða hvað er ásættanlegt, það er alveg ljóst. Það er náttúrulega ekki hægt að jafna öðru megin án þess að jafna hinu megin,“ segir Hugrún R. Hjaltadóttir, formaður Félags íslenskra félagsvísindamanna sem er eitt þeirra 17 aðildarfélaga BHM sem eiga nú í kjaraviðræðum við ríkið.

Auk þess losna kjarasamningar grunn-, leik- og framhaldsskólakennara síðar á þessu ári. Alls er um að ræða kjarasamninga yfir tíu þúsund starfsmanna hjá hinu opinbera.

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .