Örn Úlfar Sævarsson er nýjasti meðlimur stjórnar UN Women á Íslandi.
Ný stjórn landsnefndar UN Women á Íslandi tók til starfa í gær. Fram kemur í tilkynningu að starf landsnefndar hefur vaxið ört á undanförnum árum og hafa aldrei fleiri styrkt samtökin með mánaðarlegu framlagi en hátt í 1.100 einstaklingar gengur til liðs við UN Women á síðasta ári og á íslenska landsnefndin þriðja hæsta framlag landsnefnda til verkefna UN Women.
Guðrún Ögmundsdóttir hagfræðingur var endurkjörin formaður samtakanna. Í stjórn sitja sem fyrr Magnús Orri Schram, ráðgjafi, Ólafur Stephensen ritstjóri, Kristjana Sigurbjörnsdóttir mannfjölda – og þróunarfræðingur , Frímann Sigurðsson verkefna- og verkferlastjóri, Guðrún Norðfjörð markaðsráðgjafi, Hrefna Dögg Gunnarsdóttir lögfræðingur, Arna Gerður Bang alþjóðastjórnmálafræðingur og Karen Áslaug Vignisdóttir hagfræðingur. Þá koma nýir meðlimir inn; Örn Úlfar Sævarsson, texta- og hugmyndasmiður og Soffía Sigurgeirsdóttir, alþjóðastjórnmálafræðingur sem áður sat í varastjórn.
Í varastjórn sitja Fanney Karlsdóttir forstöðumaður og Vilborg Ólafsdóttir leikstjóri.