Björt framtíð hefur birt lista yfir þá sem skipa efstu sex sætin í öllum kjördæmum landsins fyrir næstu kosningar.
Helmingur þingflokksins áfram í framboði
Athygli vekur að einungis þrír af þeim sex sem hlutu kosningu í þingkosningunum 2013 eru á þessum listum, formaðurinn Óttarr Proppé sem er oddviti flokksins í Suðvesturkjördæmi, Björt Ólafsdóttir sem verður oddviti flokksins í Reykjavíkurkjördæmi norður og Páll Valur Björnsson sem verður oddviti flokksins í Suðurkjördæmi.
Af þeim sex varaþingmönnum flokksins sem tekið hafa sæti á alþingi eru einungis tveir á listanum, það er Sigrún Gunnarsdóttir sem er í öðru sæti í Reykjavík norður og Preben Pétursson, sem er oddviti flokksins í Norðausturkjördæmi.
Fjórðungur starfar innan menntakerfisins
Segir í fréttatilkynningu að stjórn flokksins hafi samþykkt listana á fjölmennum fundi og að á listanum sé fjölbreytt flóra frambjóðenda með víðtæka menntun og reynslu.
„Á meðal þeirra eru þroskaþjálfi, lögreglukona, dósent, stjórnsýslufræðingur, leikskólastjóri
og landgræðsluvistfræðingur. Fjórðungur frambjóðenda starfar innan menntakerfisins, 14% þeirra eru í háskólanámi og því ljóst að menntamál munu leika stórt hlutverk,“ segir í fréttatilkynningu frá flokknum.
„Margir frambjóðenda eru tengdir skapandi greinum með einum eða öðrum hætti. Tónlistarkennari, bókmenntaþýðandi, viðburðastjóri hjá CCP, verkefnastjóri listkennsludeildar Listaháskólans og leikkona skipa m.a. sæti á listum. Tveir innflytjendur skipa einnig sæti ofarlega á listum, frá Bandaríkjunum og Bosníu.“
Listarnir eru sem hér segir:
Reykjavíkurkjördæmi norður
- Björt Ólafsdóttir, BA í sálfræði, MA í mannauðsstjórnun og þingkona
- Sigrún Gunnarsdóttir, formaður Krabbameinsfélagsins, hjúkrunarfræðingur, dósent í viðskiptafræði HÍ og leiðir þekkingarsetur þjónandi forystu við Háskólann á Bifröst
- Starri Reynisson, laganemi
- Sunna Jóhannsdóttir, viðskiptafræðingur
- Ólöf Hugrún Valdimarsdóttir, verkefnastjóri listkennsludeildar LHÍ og MA í forystu og stjórnun, leikari og leiklistarkennari
- Steinþór Helgi Arnsteinsson, viðburðarstjóri hjá CCP
Reykjavíkurkjördæmi suður
- Nichole Leigh Mosty, leikskólastjóri
- Eva Einarsdóttir, frístunda- og félagsmálafræðingur, MBA, varaborgarfulltrúi og varaformaður ÍTR
- Unnsteinn Jóhannsson, upplýsingafulltrúi og Kaos Pilot
- Friðrik Rafnsson, bókmenntaþýðandi
- Ingibjörg Ýr Jóhannsdóttir, lögreglukona og nemi í stjórnsýslu
- Steinunn Ása Þorvaldsdóttir, starfsmaður mannréttindaskrifstofu Reykjavíkurborgar og diplóma frá HÍ
Suðvesturkjördæmi
- Óttarr Proppé, tónlistarmaður og þingmaður
- Theodóra S. Þorsteinsdóttir, lögfræðingur og formaður bæjarráðs í Kópavogi
- Karólína Helga Símonardóttir, mannfræðingur, MA í hnattrænum tengslum og verkefnastjóri
- Halldór Jörgensson, framkvæmdastjóri og bæjarfulltrúi í Garðabæ
- Helga Björg Arnardóttir, tónlistarkennari og tónlistarkona
- Guðrún Alda Harðardóttir, leikskóla- og háskólakennari
Suðurkjördæmi
- Páll Valur Björnsson, kennari og þingmaður
- Þórunn Pétursdóttir, landgræðsluvistfræðingur
- Lovísa Hafsteinsdóttir, náms- og starfsráðgjafi
- Jasmina Crnac, stjórnmálafræðinemi
- Eyrún Björg Magnúsdóttir, framhaldsskólakennari og stjórnsýslufræðingur
- Bjarni Benediktsson, framkvæmdastjóri
Norðvesturkjördæmi
- G. Valdimar Valdemarsson, framkvæmdastjóri
- Kristín Sigurgeirsdóttir, skólaritari og MLM nemandi í forystu og stjórnun
- Ásthildur Ósk Ragnarsdóttir, skólaliði og handverkskona
- Matthías Freyr Matthíasson, barnaverndarstarfsmaður og laganemi
- Gunnsteinn Sigurðsson, umsjónarþroskaþjálfi og grunnskólakennari
- Gunnlaugur Ingivaldur Grétarsson, fjallaleiðsögumaður
Norðausturkjördæmi
- Preben Pétursson, mjólkurtæknifræðingur
- Dagný Rut Haraldsdóttir, lögfræðingur hjá Félagi einstæra foreldra og sáttasemjari
- Arngrímur Viðar Ásgeirsson, íþróttakennari og hótelstjóri
- Haukur Logi Jóhannsson, verkefnastjóri
- Jónas Björgvin Sigurbergsson, nemi og íþróttamaður
- Margrét Kristín Helgadóttir, stjórnsýslufræðingur og lögfræðingur hjá Fiskistofu