Vaxandi ótti er innan íslensk sjávarútvegs um að innflutningsbann Rússa, sem gildir gagnvart flestum ríkjum Evrópu, muni verða yfirfært á Ísland.
Kolbeinn Árnason, framkvæmdastjóri LÍÚ, segir í samtali við Vísi að staðan sé með þeim hætti að aðilar í sjávarútvegi séu uggandi yfir stöðunni og áhrif hennar á viðskiptasambönd við mikilvægan markað. „Ef þetta gerist þurfum við að geta farið með þetta eitthvað annað og eðlilega fara menn að skoða aðra möguleika,“ segir Kolbeinn.
Kolbeinn segir að menn séu stressaðir og órólegir með sín viðskiptasambönd, bæði Rússlandsmegin og Íslandsmegin. Segir hann þó að menn reyni að sjálfsögðu, líkt og í öðrum viðskiptum, að hafa eggin í fleiri en einni körfu.
