*

laugardagur, 22. september 2018
Innlent 11. september 2016 11:31

Páll og Ásmundur efstir

Eyjamenn skipa efstu tvö sætin á lista Sjálfstæðisflokksins í Suðurkjördæmi en ráðherra flokksins hafnaði í fjórða sæti.

Ritstjórn
Aðsend mynd

Páll Magnússon, fyrrverandi sjónvarpsfréttamaður, varð í efsta sæti í prófkjöri Sjálfstæðisflokkisins í Suðurkjördæmi. Ásmundur Friðriksson þingmaður í öðru sæti. Báðir þessir menn eiga ættir að rekja til Vestmannaeyja. Vilhjálmur Árnason þingmaður mun skipa þriðja sæti listans.

agnheiður Elína Árnadóttir, iðnaðar- og viðskiptaráðherra, leiddi lista Sjálfstæðisflokksins í Suðurkjördæmi fyrir kosningarnar 2013. Hún sóttist eftir fyrsta sætinu í prófkjörinu sem fór fram um helgina en hafnaði í því fjórða.

Unnur Brá Konráðsdóttir þingmaður varð í fimmta sæti í prófkjörinu. Það er því ljóst að töluverðar breytingar verða á lista Sjálfstæðisflokksins í þessu kjördæmi því þær Ragnheiður Elín og Unnur Brá leiddu listann fyrir kosningarnar 2013. Þá fékk Sjálfstæðisflokkurinn fjóra þingmenn kjörna, sem þýðir að af niðurstaðan verður eins í kosningunum núna í lok október þá dettur Unnur Brá af þingi.

Hægt að skoða nákvæmar niðurstöður úr prófkjörinu hér.