*

þriðjudagur, 25. september 2018
Innlent 12. apríl 2018 10:10

Penninn kaupir Viking búðirnar

Rekstur minjagripaverslananna The Viking hefur verið seldur til Pennans, auk vörubirgða.

Ritstjórn
Ingimar Jónsson er framkvæmdastjóri Pennans
Árni Torfason

Penninn ehf. og  H-fasteignir ehf. hafa komist að samkomulagi um að Penninn kaupi rekstur og birgðir verslana The Viking með það fyrir augum að reka þær áfram undir því nafni og með svipuðu sniði.

The Viking selur minjagripi og ýmis konar varning, sem ætlaður er ferðamönnum. Samkomulag aðila felur  í sér kaup Pennans á þeim rekstri sem stundaður hefur verið í verslunum undir vörumerki The Viking auk vörubirgða sem tilheyra þeim rekstri og  samninga og viðskiptasambönd.

Samkomulagið er gert með fyrirvara um samþykki Samkeppniseftirlitsins, sem hefur þegar verið tilkynnt um viðskiptin. Fjármálaráðgjöf Deloitte var ráðgjafi Pennans ehf. í ferlinu.