*

laugardagur, 25. nóvember 2017
Innlent 15. september 2017 12:17

Píratar kalla enn eftir nýrri stjórnarskrá

Þingflokkur Pírata vill ekki að þing verði rofið fyrr en ný stjórnarskrá hafi verið samþykkt og vísa í opinberun á valdníðslu gagnvart þolendum kynferðisofbeldis.

Ritstjórn
Birgitta Jónsdóttir er þingflokksformaður Pírata á ný eftir kjör fyrr í vikunni.
Haraldur Guðjónsson

„Þingflokkur Pírata skorar því á alla aðra flokka á Alþingi að verða við þessu ákalli, sem og ákalli forseta Íslands við þingsetningu, og samþykkja nýja stjórnarskrá áður en þing verður rofið og gengið til kosninga sem þarf að verða eins fljótt og auðið er,“ segir í yfirlýsingunni.

„Opinberun á valdníðslu gagnvart þolendum kynferðisofbeldis hefur haft djúpstæð áhrif á okkur öll. Framganga Bergs Þórs Ingólfssonar sem og annarra aðstandenda og þolenda kynferðisbrota er birtingamynd þess hvernig einstaklingar geta haft áhrif og breytt samfélaginu. Við dáumst að hugrekki og heilindum þeirra sem stigið hafa fram.

Þetta sýnir að almenningur ræður og almenningur, fyrir fimm árum síðan, valdi nýja stjórnarskrá. Sjálfstæðisflokkurinn hefur með framgöngu sinni sýnt fram á að hann er óstjórntækur.“

Stikkorð: stjórnarskrá Píratar