Þýski bílaframleiðandinn Porsche, ætlar sér að koma rafbíl á markað árið 2019. Til þess að ná þeim markmiðum hefur félagið áætlað að fjárfesta einum milljarði evra. Þetta kemur fram á vef BBC.Spáð er að rafbílavæðing Porsche skapi allt að 1.400 störf.

Mannauðsstjóri fyrirtækisins, Andreas Haffner, vinnur nú hörðum höndum að því að finna hæfileikaríka einstaklinga í rafbílateymið. Félagið er nú þegar farið að keppa við ýmsa aðila um verkfræðinga og tölvunarfræðinga. Peningar einir virðast lítið geta gert í stríðinu við Tesla og önnur félög. Mannauðurinn er lykil atriði, en réttu hæfileikarnir eru afar sjaldgæfir.