Frá því að útgönguspár birtust um kl 21 í gærkvöldi hefur gengi breska pundsins fallið um 1,71%. Markaðsaðilar á gjaldeyrismarkaði virtust hafa búist við öruggum sigri Theresu May forsætisráðherra. Bentu útgönguspár til þess að þingmeirihluti Íhaldsflokksins myndi falla og að samsteypustjórn yrði mynduð í landinu í annað sinn frá lokum seinni heimsstyrjaldar.
Útgönguspáin reyndist sannspá og misstu íhaldsmenn 12 þingmenn sem varð til þess að meirihlutinn var fallinn.
Þrátt fyrir að pundið hafi fallið hækkaði FTSE vísitala kauphallarinnar í London um 1% í dag. Munaði þar mest um fyrirtæki sem hafa tekjur sínar í erlendri mynt. Fyrirtæki sem hafa tekjur sínar í pundum lækkuðu hins vegar. Voru það byggingar- og smásölufyrirtæki sem lækkuðu helst. Lækkaði gengi hlutabréfa fatarisans Next um 1,75% og Marks and Spencer um 1,8%.
Í frétt BBC segir greinigaraðilinn Nicholas Hyett að afleiðingarnar veikingar pundsins séu augljósar. Kaupmáttur breta minnki sem leiðri til þess það degur úr stærri kaupum til einkaneyslu.
