*

sunnudagur, 18. nóvember 2018
Innlent 28. apríl 2018 17:22

Ráðist á aðalleikjaþjón CCP

Ítrekaðar netárásir hafa verið gerðar á aðalleikjaþjónn CCP í London undanfarin sólarhring.

Ritstjórn
Hilmar Veigar Pétursson er forstjóri CCP.
Aðsend mynd

Óprúttnir netþrjótar hafa staðið að baki netárásásum á aðalleikjaþjón tölvuleikjafyrirtækisins CCP í London. Erlendur S. Þorsteinsson, yfirmaður þróunarsviðs CCP greinir frá þessu á Twitter.

Erlendur segir um svokallaðar DDoS árásir að ræða sem stendur fyrir Distributed Denial of Service eða dreifð þjónusturofsárás. Í slíkum árásum er reynt að koma í veg fyrir að samband náist við kerfi eða samskiptanet með því að beina gríðarmiklu magni gagna að upplýsingatækniþjónustu viðkomandi fyrirtækis eða stofnunar. 

Erlendur segir að fimm árásir hafi verið gerðar á CCP á einum sólarhring sem numið hafi á milli 10 og 20 Gb/s. „Jesús minn hvað ég hata svona fólk, hvurs tilgangur í lífinu virðist einungis vera að skemma og eyðileggja fyrir öðrum,” segir Erlendur um árásirnar.