Bankarnir ráðleggja nú íslenskum ferðamönnum að notast ekki við þann valkost að greiða í eigin gjaldmiðli fyrir vörur, þjónustu og við úttekt í hraðbönkum. Þetta kemur fram á mbl.is í dag.
Kostirnir við fyrirkomulagið er að neytendur þurfa ekki reikna út hver upphæðin er í íslenskum krónum þar sem hún birtist á posanum rétt áður en kortinu er rennt í gegn. Í tilkynningu frá Landsbankanum segir hinsvegar að engar reglur gildi um þóknunargjöld milliliða sem færsluhirðar, t.d. rekstraraðli hraðbanka eða verslun, taki fyrir þjónustuna. Þannig er tekið dæmi á vef Landsbankans af Íslendingi sem yfirsást að gengið á evru var um tvöfalt hærra en opinber gengisskráning segir til um. Eftir að hann hafði slegið inn pinnið var of seint að hætta við.
Viðskipti af þessu tagi kallast DCC og hefur færst mikið í aukana að fólki sem er á ferð erlendis standi slík þjónusta til boða.