*

fimmtudagur, 25. apríl 2019
Innlent 3. júní 2017 14:10

Rafbílasala hrynur í Danmörku

Sala á rafmagnsknúnum bifreiðum hefur dregist verulega samam í Danmörku.

Ritstjórn
Tesla á undir högg að sækja í Danmörku
Haraldur Guðjónsson

Áhugi á rafmagnsbílum hefur farið verulega dvínandi í Danmörku það sem af er ári. Sala á rafknúnum bifreiðum í Danmörku, sem inniheldur tvíorkubíla, hrapaði um 60,5 prósent á fyrsta ársfjórðungi þessa árs samanborið við 2016. Þetta kemur fram í gögnum frá bílaframleiðendasamtökum Evrópu.

Á sama tíma hafa kaup á rafbílum aukist um 80 prósent í Svíþjóð og um 30 prósent að meðaltali í Evrópusambandinu. Rafbílar voru afskaplega vinsælir í Danmörku fyrir stuttu síðan, alls seldust 5.298 slíkir bílar árið 2015, tvöfalt fleiri en á Ítalíu sem er tíu sinnum fjölmennari. 

Þær sölutölur höfðu þó alveg eins mikið með góð verð að gera og umhverfisvitund. Í langan tíma fengu innflytjendur rafbíla að sleppa við 180 prósenta skatt sem Danmörk setur á venjulega bensínbíla. Haustið 2015 ákvað ríkisstjórn Lars Lokke Rasmussen að nú yrði dregið úr skattaívilnunum á rafbíla, til þess að jafna samkeppni. Tesla, sem seldi fjöldan allan af bifreiðum í Danmörku á þessum tíma, barðist hart gegn þessari lagabreytingu og mætti Elon Musk sjálfur til Kaupmannahafnar og sagði að það myndi hafa mikil neikvæð áhrif á söluna.

Að sögn Lærke Flader, framkvæmdastjóra Rafbílasamtaka Danmerkur, þá drap skattahækkunin markaðinn algjörlega.

Stikkorð: Danmörk Tesla rafbílar
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim