*

fimmtudagur, 21. febrúar 2019
Fólk 6. febrúar 2019 08:31

Ragnar Jónasson fer til Arion banka

Lögfræðingurinn og rithöfundurinn Ragnar Jónasson hættir hjá Gamma og fer til Arion banka.

Ritstjórn
Ragnar hefur gefið út fjölmargar spennuskáldsögur samhliða störfum sínum hjá fjármálafyrirtækjum.
Haraldur Guðjónsson

Ragnar Jónasson, lögfræðingur og rithöfundur, hefur verið ráðinn á fjárfestingabankasvið Arion banka, samkvæmt frétt Markaðarins í morgun.

Ragnar hefur frá árinu 2015 starfað sem yfirlögfræðingur sjóðstýringafyrirtækisins Gamma, en þar á undan var hann forstöðumaður skrifstofu slitastjórnar Kaupþings, og forstöðumaður lögfræðiráðgjafar Nýja Kaupþings.

Ragnar kennir auk þess við lagadeild Háskólans í Reykjavík, og hefur stundað ritstörf og þýðingar samhliða störfum sínum í fjármálakerfinu.