*

föstudagur, 16. nóvember 2018
Fólk 5. september 2018 10:49

Raquelita nýr framkvæmdastjóri Stokks

Raquelita Rós Aguilar hefur verið ráðin framkvæmdastjóri Stokks Software. Þá hefur Halldór Sigurðsson verið ráðinn tæknistjóri.

Ritstjórn
Raquelita Rós er með B.Sc. í tölvunarfræði og hefur mikla reynslu og þekkingu í verkefnastjórnun og innleiðingu verkferla.
Aðsend mynd

Raquelita Rós Aguilar hefur verið ráðin framkvæmdastjóri hugbúnaðarfyrirtækisins Stokks, og tekur við af Andra Sigurðssyni, að því er fram kemur í tilkynningu. Raquelita er með B.Sc. í tölvunarfræði frá Háskóla Reykjavíkur, og hefur starfað hjá Stokki í þrjú ár, bæði sem gæða- og rekstrarstjóri.

Þá hefur Halldór Sigurðsson verið ráðinn tæknistjóri fyrirtækisins, en Halldór hefur starfað hjá Stokki í tæp fjögur ár, og er með B.Sc. í verkfræði frá Háskóla Reykjavíkur.

Stokkur sérhæfir sig í smáforritum, og hefur meðal annars hannað slík fyrir Dominos, Strætó, Alfreð, og Aur. Auk starfsstöðvarinnar í Reykjavík hefur félagið starfsstöð í Prag í Tékklandi.

Stikkorð: Raquelita Rós Stokkur