Rauður dagur var í Kauphöllinni í dag og aðeins þrjú félög hækkuðu í viðskiptum dagsins en það voru N1, Skeljungur og Arion banki.

Hlutabréfaverð í flugfélaginu Icelandair lækkaði um 4,55% í 120 milljóna króna viðskiptum í Kauphöllinni í dag. Næstmest lækkun var hjá fasteingafélaginu Reginn eða 1,93% lækkun í 125 milljóna króna viðskiptum.

Heildarveltan í Kauphöllinni í dag var 919 milljónir íslenskra króna.