Heildarvelta á aðalmarkaði með hlutabréf nam 477 milljónum í dag og úrvalsvísitalan, OMXI8, lækkaði um 0,36%.
Gengi hlutabréfa nær allra félaga lækkaði, en Arion banki hækkaði, eitt skráðra félaga, um 0,25% í 36 milljón króna viðskiptum.
Mest lækkaði Icelandair, um 1,87%, en í aðeins 24 milljón króna viðskiptum, en þar á eftir kemur TM með 1,05% lækkun í enn minni viðskiptum, 15 milljónum. Önnur félög lækkuðu um undir 1%.
Mest velta var með bréf Marel, sem lækkaði um 0,06% í 109 milljón króna viðskiptum, og Sýnar, sem lækkaði um 0,17% í 107 milljón króna viðskiptum. Þar á eftir koma 58 milljón króna viðskipti með bréf Heimavalla, sem höfðu engin áhrif á hlutabréfaverð félagsins, en viðskipti með önnur félög námu undir 50 milljónum.
