Úrvalsvísitala kauphallar Nasdaq Iceland lækkaði um 0,73% í dag og endaði í 1,818 stigum. Frá áramótum hefur vísitalan hækkað um 38,69%.
Gengi bréfa Vodafone og Nýherja voru það eina sem hækkaði á markaðnum í dag, eða um 1,47% og 4,90%. Þessar hækkanir koma þó aðeins út frá viðskiptum upp á 2 og 3 milljónir króna.
Mest lækkaði gengi bréfa Icelandair um 1,10% í 2,4 milljarða króna viðskiptum. Þar á eftir kemur Eimskip, en gengi bréfa fyrirtækisins lækkaði um 3,02% í viðskiptum upp á 171 milljón króna. Einnig lækkaði gengi bréa Marel um 0,19% í 502 milljóna króna viðskiptum.
Heildarvelta á hlutabréfamarkaði í dag var rúmir 3,5 milljarðar króna. Heildarvelta á skuldabréfamarkaði var 5,9 milljarðar króna.
Hlutabréfavísitala GAMMA lækkaði um 0,6% í dag í 3,6 milljarða viðskiptum.
Skuldabréfavísitala GAMMA lækkaði um 0,1% í dag í 2,7 milljarða viðskiptum. Verðtryggði hluti vísitölunnar lækkaði um 0,3% í 0,1 milljarða viðskiptum og óverðtryggði hluti vísitölunnar hækkaði um 0,2% í 2,6 milljarða króna viðskiptum.
