Úrvalsvísitala kauphallar Nasdaq Iceland lækkaði um 2,05% í dag og endaði í 1.756 stigum.
Ekkert félag hækkaði í viðskiptum dagsins og eina félagið sem stóð í stað var Össur í 13 milljóna króna viðskiptum.
Mest lækkaði gengi bréfa Icelandair um 3,80% í 1,1 milljarða króna viðskiptum. Þar á eftir kemur Nýherji, en gengi bréfa fyrirtækisins lækkaði um 3,58%, þó í viðskiptum upp á einungis 12 milljónir króna. Einnig lækkaði gengi bréa Marel um 2,29% í 280 milljóna króna viðskiptum.
Heildarvelta á hlutabréfamarkaði í dag var rúmir 2,7 milljarðar króna. Heildarvelta á skuldabréfamarkaði var 2 milljarðar króna.
Skuldabréfavísitala GAMMA stóð í stað í dag í 0,9 milljarða viðskiptum. Verðtryggði hluti vísitölunnar lækkaði lítillega í 0,1 milljarða viðskiptum og óverðtryggði hluti vísitölunnar hækkaði lítillega 0,8 milljarða króna viðskiptum.
