Michael Ridley fyrrum yfirmaður fjárfestingarbankastarfsemi hjá JP Morgan hefur verið ráðinn til að taka að sér vinnu fyrir fjármála- og efnahagsráðuneytið.
Um er að ræða tímabundna vinnu fyrir íslensk stjórnvöld að málefnum sem tengjast fjármálakerfinu á Íslandi. Ridley starfaði meðal annars sem sérstakur ráðgjafi Seðlabankans um fjármálakerfið og er sagt frá aðkomu hans í skýrslu rannsóknarnefndar Alþingis.
Var hann einn þriggja starfsmanna fjárfestingarbankans JP Morgaun sem höfðu komið til landsins sunnudaginn 5. október 2008 að ósk Seðlabankans, í aðdraganda setningar neyðarlaganna að því er fram kemur á mbl.is á sýnum tíma.
