*

miðvikudagur, 21. nóvember 2018
Innlent 11. júní 2018 09:05

Ríkisforstjórar ósáttir

Önnur umræða um lög um niðurfellingu kjararáðs fer fram í dag en ennþá eru fjölmörg mál á borði kjararáðs.

Ritstjórn
Önnur umræða um lög um niðurfellingu kjararáðs fer fram á Alþingi í dag.
Haraldur Guðjónsson

Formaður félags forstöðumanna ríkisforstjóra, Gissur Pétursson, segir að kjararáð eigi að ljúka þeim málum sem þau hafa til skoðunar áður en ráðið verði lagt niður. Þetta kemur fram í Morgunblaðinu í morgun. 

Önnur umræða um lög um niðurfellingu kjararáðs fer fram í dag en ennþá eru fjölmörg mál á borði kjararáðs. 

Gissur segir að síðasta launahækkun ríkisforstjóra hafi verið fyrir þremur árum síðan og að ríkisforstjórar séu afar ósáttir.

Að sögn Gissurar er ekki alveg víst hvaða verklag taki við verði ráðið lagt niður en ætlunin sé að málin verði ákvörðunarefni kjara- og mannauðssýslu ríkisins.