*

laugardagur, 20. apríl 2019
Innlent 11. desember 2017 14:48

Röskun á flugi gæti hafist á sunnudag

Flugvirkjafélag Íslands hefur boðað til ótímabundins verkfalls sem hefst á sunnudaginn verði ekki búið að semja við Icelandair.

Ritstjórn
Haraldur Guðjónsson

Fundur hófst hjá Ríkissáttasemjara í dag klukkan 13:00 milli Flugvirkjafélags Íslands og Samtaka atvinnulífsins, en boðað hefur verið til ótímabundins verkfalls flugvirkja hjá Icelandair klukkan 06:00 á sunnudagsmorgninum 17. desember.

Samningar flugvirkja við Icelandair hafa verið lausir síðan 31. ágúst síðastliðinn en Óskar Einarsson formaður Flugvirkjafélagsins segir ekkert hafa þokast í viðræðum félaganna síðan viðræður hófust undir lok júlímánaðar að því er Fréttablaðið greinir frá.

„Samningar voru lausir 31. ágúst og við höfum bara ekki náð neinum árangri í samningaviðræðum,“ segir Óskar.

„Það munar þó nokkru því að við teljum okkur eiga inni launaleiðréttingu sem er búið að fara þó nokkur vinna í að finna út úr. Við höfum svo sem unnið það í samvinnu við okkar viðsemjendur og höfum komist að ákveðinni lausn í því máli og þar stendur það í dag.“

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim