*

laugardagur, 20. apríl 2019
Innlent 7. maí 2018 13:22

Sækja um leyfi til virkjanarannsókna

Navitas ehf. hefur sótt um leyfi til að kanna og rannsaka mögulega virkjanakosti á ströndum.

Ritstjórn
Frá Árneshreppi á Ströndum. Mynd úr safni.

Orkustofnun tók þann 2. mars á móti umsókn Navitas ehf. um rannsóknarleyfi á afmörkuðum vatnasvæðum norðan Steingrímsfjarðar í Kaldrananeshreppi og á svæði á hálendinu, sunnan Reykjafjarðar og Veiðileysu, í Strandabyggð. Tilkynning þessa efnis birtist í Lögbirtingablaðinu.

Í umsókninni er sótt um rannsóknarleyfi til 7 ára, til að kanna og rannsaka mögulega virkjunarkosti á svæðinu á grundvelli laga um rannsóknir og nýtingu á auðlindum í jörðu.

Rannsóknarleyfi felur í sér heimild til þess að leita að viðkomandi auðlind á tilteknu svæði á leyfistímanum, rannsaka umfang, magn og afkastagetu hennar og fylgja að öðru leyti þeim skilmálum sem tilgreindir eru í lögum, nr. 57/1998, og Orkustofnun telur nauðsynlega. Rannsóknarleyfi felur ekki í sér framkvæmdaleyfi eða heimild til virkjunar eða annarrar auðlindanýtingar.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim