*

mánudagur, 27. maí 2019
Innlent 7. nóvember 2018 10:19

Samúel úr bankaráði Landsbankans

Samúel Guðmundsson hefur sagt sig úr bankaráði Landsbankans vegna lokunar veitingastaðarins Rústik.

Ritstjórn
Samúel Guðmundsson hefur sagt sig úr bankaráði Landsbankans.
Aðsend mynd

Samúel Guðmundsson hefur sagt sig úr bankaráði Landsbankans eftir aðeins 8 mánaða setu sem aðalmaður, en hann var þar á undan varamaður í tæp 2 ár.

Ástæðan er umdeild lokun veitingastaðarins Rústik – en Samúel var stjórnarformaður rekstrarfélags staðarins þar til í september – sem lokaði dyrum sínum í síðustu viku, og var starfsfólki tilkynnt að það fengi ekki greidd laun fyrir októbermánuð.

Launin voru þó greidd nokkrum dögum síðar eftir umfjöllun fjölmiðla, þar sem meðal annars var bent á tengsl Samúels við félagið og setu hans í bankaráði Landsbankans.

„Samúel átti hlut í rekstrarfélagi veitingahúss sem lenti í rekstrarerfiðleikum. Hann taldi rétt við þessar aðstæður að segja sig úr bankaráði, enda gæti áframhaldandi seta hans orkað tvímælis og dregið úr trausti til bankaráðs og Landsbankans. Ég virði þessa ákvörðun, óska honum velfarnaðar og þakka honum fyrir gott samstarf undanfarin ár,“ er haft eftir Helgu Björku Eiríksdóttur, formanni bankaráðs.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim