*

laugardagur, 20. apríl 2019
Innlent 25. janúar 2015 13:39

Segir nauðsynlegt að fjölga virkjunarkostum

Á fimmtudag var lagt til að færa fjóra virkjunarkosti úr biðflokki í nýtingarflokk.

Ritstjórn
Haraldur Guðjónsson

Jón Gunnarsson, þingmaður Sjálfstæðisflokksins, segir að fjölgun virkjunarkosta sé nauðsynleg til þess að ljúka kísilverksmiðju í Helguvík og sólarkísilverksmiðju á Grundartanga.

Á fimmtudag lagði Jón, sem er formaður atvinnuveganefndar Alþingis, til að fjórir virkjunarkostir yrðu færðir úr biðflokki í nýtingarflokk. Áformin voru harðlega gagnrýnd í þinginu í kjölfarið og sögðu stjórnarandstæðingar meðal annars að þetta færi gegn lögum um rammaáætlun.

Jón sagði í þættinum Sprengisandi í morgun að mörg verkefni væru framundan sem krefðust þess einfaldlega að virkjunarkostir yrðu færðir í nýtingarflokk. Ekki væri hægt að ganga frá raforkusamningum við fyrirtæki vegna þessara verkefna, á meðan engar virkjanaframkvæmdir væru fyrirhugaðar.

Katrín Júlíusdóttir, sem var jafnframt gestur á Sprengisandi, gagnrýndi fyrirætlanirnar og sagði að með því að taka þessa pólitísku ákvörðun væri verið að taka fram fyrir hendurnar á faglega skipaðri verkefnastjórn um rammaáætlun.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim