*

miðvikudagur, 24. apríl 2019
Innlent 23. september 2015 12:57

Segir stefnufestu einkenna Mercedes-Benz

Jón Trausti Ólafsson, framkvæmdastjóri Öskju, verður meðal fyrirlesara á ráðstefnu Ímark á morgun.

Ritstjórn
Haraldur Guðjónsson

Ímark stendur fyrir ráðstefnu á morgun fimmtudag sem ber yfirskriftina Skilar stefnufesta vörumerkja meiri árangri? Einn af fjórum fyrirlesurum er Jón Trausti Ólafsson, framkvæmdastjóri Öskju, en í erindi sínu fer hann yfir samstarf fyrirtækisins við Mercedes-Benz. Í tilkynningu er haft eftir honum að Mercedes-Benz skilgreini sinn helsta sölupunkt þann að bjóða það besta fyrir bæði hjarta og huga viðskiptavina, en sú staða aðgreini vörumerkið skýrt frá öðrum vörumerkjum í bílageiranum.

Jón Trausti segir samstarfið við bílaframleiðandann ganga vel enda sé alltaf ljóst til hvers er ætlast en mikil stefnufesta hafi ríkt hjá Mercedez-Benz frá byrjun og á hann þar meðal annars við stjörnuna sem skreytir bílana.

Ráðstefnan verður á milli klukkan 9-12 á morgun en ásamt Jóni Trausta verða Peter Scanlon yfirmaður markaðsmála hjá Firefox, Kristján Geir Gunnarsson framkvæmdastjóri sölu- og markaðssviðs Nóa Síríus og Nick Gorgolione alþjóðlegur vörumerkjastjóri hjá Vodafone UK með erindi.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim