Samkvæmt nýrri eftirfylgnisnefnd Ríkisendurskoðunar gagnrýnir stofnunin að enn hafi verðlagsnefnd búvara ekki verið settar skráðar verklagsreglur vegna hugsanlegra breytinga á hlutverki hennar.
Hins vegar hefur stofnunin ákveðið að ítreka ekki fjórar ábendingar til atvinnuvega- og nýsköpunarráðuneytisins frá árinu 2015 um störf verðlagsnefndar búvara og ráðgjafanefndar um inn- og útflutning landbúnaðarvara.
Stofnunin gerir þó athugasemd við þann drátt sem var á skipun verðlagsnefndarinnar fyrir starfsárið 2017 til 2018, og bendir á að hún eigi að vera fullskipuð 1. júlí hvert ár samkvæmt búvörulögum.
Jafnframt segir Ríkisendurskoðun það mikilvægt að ráðuneytið gæti vel að hæfi þeirra fulltrúa sem það tilnefnir í nefndir á sínum vegum að því er segir á vef stofnunarinnar.
