Kjötkompaníið ehf. hagnaðist um 16,2 milljónir króna í fyrra, sem þýðir að hagnaðurinn nánast tvöfaldaðist á milli ára því árið 2016 nam hann 8,9 milljónum. Kjötkompaníið rekur tvær sérverslanir með kjöt, annars vegar í Dalshrauni í Hafnarfirði og hins vegar við Grandagarð í Reykjavík. Jón Örn Stefánsson er eigandi fyrirtækisins.

Kjötkompaníið seldi vörur og þjónustu fyrir  738 milljónir króna í fyrra samanbarið við 579 milljónir árið 2016. Eignir félagsins námu 232 milljónum króna um síðustu áramót en 140 milljónum árið áður. Skuldirnar hækka úr 138 milljónum í 214 á milli ára. Eigiðfé hækkar töluvert. Árið 2016 nam það 2,4 milljónum en í fyrra 18,5.