Kristín Guðmundsdóttir, varamaður í stjórn Kviku banka, og formaður áhættu- og endurskoðunarnefndar Kviku banka, hefur selt 215.000 hluti í bankanum. Eins og Viðskiptablaðið sagði frá gekk bankinn frá kaupum á Gamma Capital Management í byrjun vikunnar.

Söluverð hlutanna er 8,3 krónur svo samanlagt fær hún 1.784.500 krónur fyrir bréfin. Hún á enn 418.594 hluti í bankanum í gegnum félag sitt KG slf. Miðað við þetta gengi væri andvirði bréfanna sem hún á enn eftir 3.474.330 krónur.