Sex manns bjóða sig fram til stjórnar Reginn hf, fyrir aðalfund félagsins 14. mars næstkomandi. Þar af bjóða sig tveir fram sem ekki sitja nú þegar í stjórn, en annar þeirra situr í varastjórn og býður sig jafnframt fram í hana.
Ólöf Hildur Pálsdóttir, sem kom inn í stjórnina fyrir ári síðan, býður sig ekki fram á ný nú.
Eftirtaldir bjóða sig fram í stjórn Reginn:
- Tómas Kristjánsson - í stjórn frá 2014, stjórnarformaður
- Albert Þór Jónsson - í stjórn frá 2015
- Bryndís Hrafnkelsdóttir - í stjórn frá 2014
- Guðrún Tinna Ólafsdóttir - í stjórn frá 2018
- Heiðrún Emilía Jónsdóttir - nýr frambjóðandi
- Hjördís Dröfn Vilhjálmsdóttir - nýr frambjóðandi, situr í varastjórn.
Þeir sem bjóða sig fram til varastjórnar eru þeir sömu og sitja í henni nú:
- Finnur Reyr Stefánsson
- Hjördís D. Vilhjálmsdóttir
Aðalfundur Regins hf. verður haldinn fimmtudaginn 14. mars 2019 í Hörpu tónlistar og ráðstefnuhúsi, í Rímu fundarsal, Austurbakka 2, 101 Reykjavík, klukkan 17:00.