sunnudagur, 7. febrúar 2016
Erlent 6. júlí 2012 14:11

SFO rannsakar brask með millibankavexti

Æðstu stjórnendur breska bankans Barclays hafa fokið hver á fætur öðrum vegna markaðsmisnotkunar með vexti.

Ritstjórn
Bob Diamond, forstjóri Barclays

Efnahagsbrotadeild bresku lögreglunnar (e. Serious Fraud Office) ætlar að rannsaka misnotkun á markaði með millibankavexti. Breska fjármálaeftirlitið sektaði Barclays í síðustu viku vegna brasksins upp á 290 milljónir punda, um 60 milljarða íslenskra króna. Síðan þá hafa nokkrir af æðstu yfirmönnum bankans tekið poka sína, þar á meðal bankastjórinn Bob Diamond.  

David Green, forstjóri efnahagsbrotadeildarinnar, segir í samtali við netútgáfu breska blaðsins Guardian, að hann hafi ákveðið að ráðast í rannsóknina eftir að hafa skoðað gögn sem lágu til grundvallar sektargreiðslunni. Guardian segir rannsókn efnahagsbrotadeildarinnar víðtæka og ná til fleiri banka og fjármálafyrirtækja en Barclays. 

Stikkorð: SFO Barclays Bob Diamond
Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.