*

laugardagur, 23. mars 2019
Fólk 4. mars 2019 14:18

Sigríður Mogensen í stjórn Júpíter

Sigríður Mogensen var kjörin í stjórn Júpíter rekstrarfélags hf. á hluthafafundi félagsins, sem fram fór nýverið.

Ritstjórn
Sigríður Mogensen.
Haraldur Guðjónsson

Sigríður Mogensen var kjörin í stjórn Júpíter rekstrarfélags hf. á hluthafafundi félagsins sem haldinn var þann 1.mars síðastliðinn. Júpíter greinir frá þessu á vef sínum

Sigríður starfar sem sviðsstjóri hugverkasviðs Samtaka iðnaðarins. Sigríður starfaði áður sem aðstoðarframkvæmdastjóri í áhættustýringu hjá Deutsche Bank í London, sem hagfræðingur hjá Samtökum atvinnulífsins og hjá sérstökum saksóknara. Þá hefur Sigríður einnig starfað sem fréttamaður á Stöð 2 og blaðamaður á Viðskiptablaðinu. Um árabil var hún aðstoðarkennari í fjármálum og hagfræði við Háskóla Íslands.

Sigríður er hagfræðingur að mennt með BS gráðu frá Háskóla Íslands og MS gráðu í reikningshaldi og fjármálum frá London School of Economics (LSE).