*

fimmtudagur, 25. apríl 2019
Fólk 3. júní 2014 14:28

Sigurður Páll verður forstjóri Deloitte

Sigurður Páll Hauksson tekur við sem forstjóri Deloitte á 20 ára afmæli fyrirtækisins.

Ritstjórn
Aðsend mynd

Sigurður Páll Hauksson tók við sem forstjóri endurskoðunar- og ráðgjafarfyrirtækisins Deloitte 1. júní síðastliðinn af Þorvarði Gunnarssyni. Sigurður Páll á að baki meira en 20 ár í endurskoðun og ráðgjöf og hefur verið meðeigandi Deloitte frá árinu 2003. Hann hóf störf hjá fyrirtækinu árið 1994 og lauk löggildingu í endurskoðun árið 1998.  Sigurður Páll var varaformaður og síðar formaður Félags löggiltra endurskoðenda árin 2009 til 2013. Hann er kvæntur Guðbjörgu Jóhannesdóttur, sóknarpresti í Langholtskirkju og eiga þau fimm börn.  

Deloitte á Íslandi fagnar 20 ára afmæli í ár. Hjá fyrirtækinu starfa um 190 starfsmenn á átta starfsstöðvum víðs vegar um landið.  Sérfræðingar Deloitte bjóða upp á víðtæka þjónustu og ráðgjöf á sviði endurskoðunar og reikningsskila, ásamt rekstrarráðgjöf, fjármálaráðgjöf, skatta- og lögfræðiráðgjöf, ráðgjöf á sviði upplýsingatækni- og öryggismála auk sérsniðinnar þjónustu fyrir smærri fyrirtæki.

„Ég er fullur tilhlökkunar að takast á við öll þau spennandi verkefni sem framundan eru.  Við tilheyrum stærsta endurskoðunar- og ráðgjafarfyrirtæki heims og höfum á að skipa einvala liði starfsmanna að ógleymdum traustum og öflugum viðskiptavinum.  Með auknum krafti í atvinnulífinu er þörf fyrir vandaða og lausnamiðaða sérfræðiþjónustu og leggur Deloitte metnað sinn í að að veita fyrirtækjum af öllum stærðum framúrskarandi þjónustu, innanlands sem erlendis,“ segir Sigurður Páll Hauksson, forstjóri Deloitte.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim