Sigurhjörtur Sigfússon hefur látið af störfum sem forstjóri Mannvits að því er kemur fram í fréttatilkynningu frá Mannviti. Stjórn Mannvits þakkar honum fyrir gott og árangursríkt starf fyrir félagið síðastliðin ár. Jón Már Halldórsson stjórnarformaður Mannvits mun sinna skyldum forstjóra þar til gengið hefur verið frá ráðningu nýs forstjóra.
"Rekstur félagins er traustur og bjartir tímar framundan hjá félaginu. Ég vil þakka frábæru starfsfólki og stjórn félagsins fyrir samstarfið á liðnum árum." er haft eftir Sigurhirti í fréttatilkynningunni. Sigurhjörtur tók við stöðu forstjóra árið 2014 en þar áður hafði hann starfað sem fjármálastjóri Mannvits frá árinu 2012.
