*

fimmtudagur, 25. apríl 2019
Innlent 29. ágúst 2015 13:44

Skinney-Þinganes kaupir Auðbjörgu

Skinney-Þinganess kaupir öll hlutabréf í Auðbjörgu. Sameinað fyrirtæki mun eiga tæpan fimmtung humarkvótans.

Ritstjórn
Loðnuflokkun hjá Skinney-Þinganesi.

Samkomulag hefur verið gert um kaup Skinneyjar - Þinganess hf. á Höfn í Hornafirði á öllum hlutabréfum í Auðbjörgu hf., Þorlákshöfn. Samkomulagið er með fyrirvörum m.a. um samþykki Samkeppniseftirlitsins. "Eftir kaupin, ef af þeim verður, mun Skinney -Þinganes hf. verða með starfsemi á Höfn og í Þorlákshöfn. Með þessu hyggst Skinney – Þinganes hf. styrkja sig í sessi sem eitt öflugasta sjávarútvegsfyrirtæki landsins og treysta enn frekar fjölbreyttan rekstur í útgerð, fiskvinnslu og sölu sem byggst hefur upp á undanförnum árum," segir í tilkynningu.

Auðbjörg ehf. hefur frá stofnun árið 1970 verið með starfsemi í Þorlákshöfn. Skip fyrirtækisins ráða meðal annars yfir um 7% aflamarks í humri, um 10% í skrápflúru og 0,8% í löngu. Sameinað fyrirtæki mun ráða yfir tæpum fimmtungi aflamarks í humri, miðað við tölur sax.is.

Í tilkynningunni segir að þrátt fyrir kaup veiðiheimilda hafi Auðbjörgu ekki tekist að halda í við skerðingu á þeim veiðiheimildum er fyrirtækið ræður yfir. Það sé mat eigenda að rétt sé og tímabært að koma fyrirtækinu í hendur traustra aðila sem hafa það að markmiði að halda áfram starfsemi fyrirtækisins í Þorlákshöfn.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim