Gjaldþrotaskiptum á fyrirtækinu Marmeti ehf. í Sandgerði hefur verið lokið, en ríflega 274 milljónir greiddust upp í 461 milljóna veðkröfur, eða rétt um 68% þeirra.
Almennar kröfur í félagið námu hins vegar tæplega 614,5 milljónum króna, en félagið komst í fréttir þegar það gerði 600 milljóna fjárfestingarsamning við atvinnuvega- og nýsköpunarráðuneytið undir forystu Steingríms J . Sigfússonar árið 2013.
Aðaleigandi félagsins var Örn Erlingsson útgerðarmaður, en byggt var 2.500 fermetra hús í Sandgerði undir starfsemina og keyptar nýjar vinnslulínur og búnaður af fullkomnustu gerð.
Nam heildarfjárfestingin við verkið rúmlega 600 milljónum króna samkvæmt frétt á vef Viðskiptablaðsins frá árinu 2013. Félagið var síðan úrskurðað gjaldþrota 18. febrúar árið 2014, og eignir þess auglýstar til sölu .
Fleiri fréttir um málefni Marmetis:
- 17. mars 2014 - Skipt um skrár hjá Marmeti
- 3. mars 2014 - Eignir Marmetis til sölu
- 1. apríl 2013 - Nýtt fiskiðjuver byggt frá grunni
- 31. janúar 2013 - Nýtt fiskiðjuver í Sandgerði fyrir 600 milljónir króna
Skoðanapistlar og athugasemdir um málefni Marmetis:
- 29. janúar 2014 Týr - Athugasemd við athugasemd Steingríms J.
- 28. janúar 2014 - Athugasemd frá Steingrími J. Sigfússyni
- 27. janúar 2014 Týr - Enn ein glæsileg niðurstaða Steingríms J.
