Skiptum lauk nýlega á félaginu Vélval ehf. Fyrirtækið starfaði við inn flutning, útleigu og sölu á vinnuvélum og var til húsa í Mosfellsbæ. Félagið var úrskurðað gjaldþrota í maí 2014 og hefur því verið tvö ár í slitameðferð. Lýstar kröfur í búið námu 372,5 millj ónum íslenskra króna, en engar eignir fundust upp í kröfurnar.
Félagið var starfrækt frá árinu 2006 til 2010, ef marka má árs reikninga. Árið 2007, ári eftir stofnun þess, námu eignir félagsins samtals tæpum 400 milljónum króna. Þar af voru fasta fjármunir eða tæki sem félagið leigði út rúmar 340 milljónir en veltufé tæpar 60 milljónir. Af þessum 400 milljónum króna voru 365 þeirra skuldsettar með an eigið fé fyrirtækisins nam 33,7 milljónum króna – en afkoman það árið hafði einmitt verið já kvæð um 33,2 milljónir króna. Hlutafé félagsins var þá 500 þús und krónur.
Ári seinna, árið 2008, var tap af rekstri félagsins, en það nam 227 milljónum króna. Þar vógu fjármagnsgjöld þyngst, eða rúmlega 334 milljónir króna en rekstrarhagnaður var þá 105 milljónir. Með þessu mikla tapi varð eigið fé fyrirtækisins neikvætt og var þá 193 milljónir króna í mínus, og á sama tíma jukust skuldir félagsins um tæpar 200 milljónir króna.
Því næst, árið 2009, varð 39 milljóna króna tap af rekstri Vélvals ehf. Skuldir félagsins höfðu lækkað um rúmar 90 milljónir. Eignir þess námu þá 22 milljónum króna og eigið fé var neikvætt um 233 milljónir króna. Í áritun endurskoðenda fyrir rekstrarárið segir að í núverandi mynd sé félagið ekki rekstrarhæft.
Þá gerðist það einnig árið 2009 að eignaleigufyrirtækið Lýsing gjaldfelldi fjármögnunarleigu samninga við Vélval. Engri sátt var náð við uppgjörið, og Lýsing leysti til sín öll tæki. Þá var tækjum fyrir 187 milljónir króna skilað – en áður höfðu eignir fyrir 194 milljónir verið afskrifaðar. Eignir fyrirtækisins í lok árs 2010 voru þá 9,8 milljónir króna.
Framkvæmdastjóri fyrirtækis ins samkvæmt hinsta ársreikn ingi sem fyrirtækið skilaði var Hjálmar Kristinn Helgason. Hjálmar Kristinn starfar nú sem framkvæmdastjóri annars fyrirtækis – Vélafls. Samkvæmt frétt Viðskiptablaðsins frá 2008 þar sem greint er frá kaupum HIG ehf., sem var þá í eigu Hjálmars, á umboðsfélaginu Ræsi, voru Vélafl ehf., innflutnings og þjónustu fyrirtækið Íshlutir ehf. og Vélval ehf. öll í eigu HIG ehf.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .