Skógareldar sem geisað hafa í Kaliforníuríki síðustu misseri gætu kostað tryggingafélög á bilinu 9 til 13 milljarða dollara samkvæmt áhættugreiningarfyrirtækinu Risk Management Solutions (RMS). Þetta kemur fram í frétt Financial Times . Jafngildir þetta 1.100 til 1.600 milljörðum íslenskra króna.
Að mati RMS nær tjónið til eyðileggingar á byggingum, farartækjum og öðrum eignum en einnig til truflunar á starfsemi fyrirtækja og aukins kostnaðar fyrir þá sem hafa þurft að flýja heimili sín.
Camp og Woolsey eldarnir hafa samanlagt eyðilagt um 12.000 byggingar auk þess sem 80 manns hafa látið lífið vegna þeirra. Þar að auki er rúmlega þúsund manns saknað.
The Camp sem geisað hefur í norðurhluta ríkisins er sá skógareldur sem mestum skaða hefur valdið í sögu Kaliforníu en samkvæmt RMS stendur hann fyrir meirihluta þeirra tjóna sem orðið hafa.
