Skuldir Höfðatorgs ehf. voru felldar niður um 15 milljarða við endurskipulagningu félagsins. Þetta kemur fram í Fréttablaðinu í dag. Aðilar að nauðasamningi hafa hingað til ekki viljað gefa upp umfang skuldaniðurfellingarinnar.
Bókfærður hagnaður félagsins árið 2011 var því 11,5 milljarðar króna og eigið fé jákvætt um 1,8 milljarða. Rekstrartekjur Höfðatorgs árið 2011 námu 752,5 milljónum króna.
