*

fimmtudagur, 21. febrúar 2019
Innlent 12. febrúar 2019 09:32

Ský verðlaunar í fyrsta sinn

Nox Medical valið upplýsingatæknifyrirtæki ársins 2018 á UT messunni sem fram fór um helgina.

Ritstjórn
Pétur Már Halldórsson framkvæmdastjóri Nox Medical tók við upplýsingatækniverðlaununum úr hendi Guðna Th. Jóhannessyni, forseta Íslands.
Aðsend mynd

Svefnrannsóknarfyrirtækið Nox Medical var valið upplýsingatæknifyrirtæki ársins á UT-messunni um helgina fyrir einstakan árangur í upplýsingatækni.

Skýrslutæknifélag Íslands, SKÝ, veitir UT-verðlaunin fyrirtækjum sem unnið hafa sérstaklega gott starf á árinu 2018 og náð góðum árangri með einum eða öðrum hætti, á innlendum sem erlendum vettvangi með upplýsingatækni að leiðaljósi.

„Fá íslensk tæknifyrirtæki hafa fengið jafn mikla umfjöllun fyrir góðan árangur á UT sviðinu en Nox Medical. Nox medical hefur skapað sér sérstöðu á sviði svefnrannsókna í heiminum. Nox medical hefur unnið til fjölda verðlauna fyrir rannsóknir sínar og verkefni,“ segir í umsögn dómnefndar SKÝ.

Fjármálafyrirtækið Meniga og tæknifyrirtækið Marel voru einnig tilnefnd til UT-verðlaunanna. Þetta er í fyrsta sinn sem SKÝ veitir fyrirtæki verðlaun fyrir árangur í upplýsingatækni.