*

miðvikudagur, 22. nóvember 2017
Innlent 22. október 2017 18:02

Snapchat segir upp 18 starfsmönnum

Fyrirtækið Snap, sem heldur úti samfélagsmiðlinum Snapchat, sagði á föstudaginn upp 18 starfsmönnum.

Ritstjórn

Fyrirtækið Snap, sem heldur úti samfélagsmiðlinum Snapchat, sagði á föstudaginn upp 18 starfsmönnum. Uppsagnirnar þykja nokkuð sérstakar hjá fyrirtæki á borð við Snap, en starfsfólkið tilheyrði þeirri deild sem sá um að hafa uppi á nýju starfsfólki. Í frétt á vef Reuters segir einnig að búist sé við að hægi á ráðningum hjá fyrirtækinu.

Þar segir einnig að fyrirtækið standi frammi fyrir „erfiðum ákvörðunum“ gagnvart starfsfólki sem ekki standi sig. Í frétt Reuters segir að Snapchat sé vinsælt meðal fólks undir þrítugu sem vill skreyta andlit sitt með kanínuandlitum.